Nuk është vonë për të ndryshuar mënyrën e të jetuarit. Aq më tepër kur bëhet fjalë për shëndetin.
Nëse keni mbushur të pesëdhjetat, por nisni të mbani në normë presionin e gjakut, nivelin e sheqerit, yndyrave, peshën dhe nuk konsumon duhan do të keni më pak mundësi për tu prekur nga sëmundjet kardiovaskulare dhe do të jetoni më gjatë.
Një grup studiuesish pasi analizuan të dhënat e rreth 2 milion personave në 39 vende lidhën pesë faktorë të modifikueshëm të rrezikut me jetëgjatësinë.
“Deri në 50 vjeç ndryshimet fiziologjike janë të përballueshme nga trupi njeriut, mbi 50 vjeç ulet metabolizmi dhe zhvillohen disa faktorë shtesë që kontribuojnë në sëmundje kardiovaskulare.
Obeziteti, hipertensioni mungesa aktiviteti fizik rritja e nivelit të yndyrave në gjak, rritja e nivelit të sheqerit në gjak. Të gjitha këto duke u kombinuar sëbashku, me gjenetikën dhe moshën sigurisht që rrisin rrezikun për sëmundje kardiovaskulare në individë të caktuar.
Deri në momentin që gratë janë me menstruacione faktorët e rrezikut janë më pak tek gratë se te burrat, por 60 vjeç faktorët barazohen femrat janë njësoj te ekspozuar sa meshkujt”, tha ajo.
Sipas studimit të publikuar në “New England Journal Medicine” gratë të cilat në moshën 50 vjeçe nuk kishin asnjë nga këta faktorë risku u prekën nga sëmundjet kardiovaskulare 13.3 vite më vonë dhe humbën jetën 14.5 vite më vonë se ato me probleme të tilla. Ndërsa burrat jetuan 10.6 vjet më gjatë pa sëmundje të zemrës dhe humbën jetën mesatarisht 11.8 vjet më vonë se moshatarët e tyre që kishin këta shqetësime. Mjekët thonë se këtyre problemeve mund t’ iu kundërviheni përmes aktivitetit fizik.
“Aktiviteti fizik tek një individ përmirëson qarkullimin e gjakut, përmirëson shëndetin e tij fizik, mendor, social. Përmes shtimit të aktivitetit fizik reduktojmë peshën, ulim obezitetin një nga faktorët e rrezikut mjaft të rëndësishëm, ulet hiepertensioni arterial, kur individi zhvillon tension të lartë sistolik përmes tij ulet presioni, ulet niveli i yndyrave, menaxhohet stresi. Atëherë një aktivitet fizik i moderuar na redukton faktorët e rrezikut kardiovaskular, sëmundja kardiake ose s’do zhvillohet fare ose shumë vonë”, u shpreh ajo.
Në përfundim të studimit qëllimi I të cilit ishte t kuptonte se në çfarë mënyre dhe në çfarë mase këto 5 faktorë ndikonin në jetëgjatësi specialistët arritën në konkluzionin se mbajtja në kontroll e tyre dhe veçanërisht e presionit të lartë të gjakut dhe lënia e duhanit mes moshës 55- 60 vjeç të zgjat jetën.
