Tirana përballët me Laçin nesër në “Air Albania”, nga ora 16:45. Trajneri i baredhebluve, Orges Shehi, në prag të këtij dueli ka dalë para mediave dhe ka deklaruar: “Kampionati ka sfida të veçanta. Nesër është një duel që është një ndeshje e radhës, përballë një kundërshtari që është më i afërti në klasifikim. Përballje të tilla kanë brenda emocionin dhe përqendrimin.”
“Në kampionat, presioni i rezultatit është i pranishëm në çdo ndeshje, pavarësisht se në çfarë vendi të renditjes është kundërshtari. Kampionati është i gjatë, pas kësaj na presin dhe shumë sfida dhe nuk është një ndeshje vendimtare. Kështu e tregon renditja.”
“Laçi meriton respekt dhe është një ndeshje e rëndësishme. Ne do të futemi në fushë për të bërë më të mirën tonë. Çdo ndeshje është një provim dhe ky i nesërmi është një provim i radhës. Në ndeshje të tilla kemi treguar që kemi qenë skuadër me mentalitetin e duhur për vazhdimësinë e kampionatit. Ne në përballjet direkte kemi fituar 2-0 dhe kemi humbur atje në minutë të fundit në Laç.”
“Në kampionat mund të fitosh ndaj kujtdo dhe mund të humbasësh ndaj kujtdo, diferencat në futbollin shqiptar janë shumë të pakta. Ndaj Laçit do jetë ndeshje e e ‘sertë’, në kuptimin që do të jetë e luftuar dhe e vështirë në çdo sektor të fushës, me dyluftime individuale dhe kolektive.
Kush do të bëjë më mirë në ato dyluftime, mendoj se do të marrë maksimumin e ndeshjes. Nesër na pret një ndeshje komplet tjetër nga ajo që zhvilluam në Laç”, u shpreh trajneri i Tiranës, Orges Shehi. / abcnews.al
