Loading ...
Rusia dhe Kazakistani kanë kërkuar të zvogëlojnë spekulimet për rrëzimin e avionit të Azerbajxhanit, pasi një zyrtar amerikan tha se kishte indikacione se sistemi rus kundërajror mund të ketë goditur avionin.
Pohimi vjen pasi një zyrtar ukrainas i sigurisë kombëtare dhe disa burime në Azerbajxhan pretenduan se përplasja, e cila vrau 38 persona, ishte shkaktuar nga zjarri i mbrojtjes ajrore ruse.
Avioni, i cili po fluturonte nga kryeqyteti i Azerbajxhanit, Baku, për në qytetin Grozny në Çeçeni, u rrëzua në një fushë pranë Aktau në Kazakistan. 29 njerëz mbijetuan.
Zëdhënësi i Kremlinit, Dmitry Peskov, tha të enjten se hetimi për shkakun e rrëzimit ishte duke u zhvilluar, duke shtuar se do të ishte “gabim” të spekulohej përpara përfundimit të hetimit.
Kryetari i senatit të Kazakistanit theksoi gjithashtu se shkaku mbetet i panjohur. “Asnjë nga këto vende – as Azerbajxhani, Rusia dhe Kazakistani – nuk janë të interesuar të fshehin informacionin. I gjithë informacioni do të vihet në dispozicion të publikut”, tha Ashimbayev Maulen./abcnews.al
