SHBA shkatërron disa dronë të rebelëve Houthi në Jemen, godet edhe tre të Iranit në Gjirin e Adenit

SHBA goditën 10 dronë pa pilot në Jemen që po përgatiteshin të niseshin, tha një zyrtar amerikan, në mes të tensioneve në Lindjen e Mesme. Një anije e marinës amerikane rrëzoi gjithashtu tre dronë iranianë dhe një raketë balistike anti-anije Houthi në Gjirin e Adenit, tha Komanda Qendrore e Ushtrisë Amerikane.

Të mërkurën, Houthi-t thanë se forcat e tyre detare kryen një operacion që synonte një “anije tregtare amerikane” në Gjirin e Adenit disa orë pasi qëlluan me raketa shkatërruesin e Marinës amerikane Gravely.

Militantët Houthi, të lidhur ngushtë me Iranin, kanë nisur një valë shpërthyese dronësh dhe raketash në anijet tregtare në Detin e Kuq dhe Gjirin e Adenit në javët e fundit, duke e quajtur atë një përgjigje ndaj operacioneve ushtarake të Izraelit në Gaza dhe një shfaqje solidariteti për palestinezët.

Shtetet e Bashkuara dhe Britania i janë kundërpërgjigjur sulmeve duke shënjestruar objektivat e Houthi në Jemen dhe e kanë kthyer milicinë në listën e “grupeve terroriste”.

Këto sulme mbi anijet në Detin e Kuq kanë ngadalësuar tregtinë midis Azisë dhe Evropës dhe kanë alarmuar fuqitë e mëdha të shqetësuara se lufta e Gazës mund të shndërrohet në një konflikt rajonal./abcnews.al