Rreth 10,000 punonjës të hoteleve kanë dalë këtë të diel në grevë në disa qytete të SHBA-së për të kërkuar rritje të pagave dhe punësim të stafit.
Sipas sindikatës Unite Here, rreth 10,016 anëtarë të saj morën pjesë në grevë në 25 objekte të gjigantëve të hoteleve Hilton, Hyatt dhe Marriott.
Pjesëmarrja më e madhe e punonjësve të hoteleve në grevë u regjistrua në hotelet në Boston, San Francisko dhe Honolulu, për gjithsej tetë qytete, sipas Unite Here, ndërsa punonjësit e hoteleve në katër qytete të tjera po mendojnë t’i bashkohen aksionit të grevës.
/abcnews.al/
