Qendra Amerikane e Pediatrisë raportoi se rreth 180,00 fëmijë në SHBA u diagnostikuan me COVID-19 nga 26 nëntori deri më 10 dhjetor, duke e çuar totalin e fëmijëve të prekur në mbi 1.6 milion raste që nga fillimi i pandemisë.
Grupi i Pediatrisë vuri në dukje se gjatë kësaj periudhe kishte një rritje me 23% të fëmijëve të prekur, përfshirë këtu edhe fundjavën e Ditës së Falënderimeve , ku mbi 4 milion qytetarë lëvizën për pushime.
Shenjat e rënda të koronavirusit janë shumë të rralla tek fëmijët, kryesisht 0.2% dhe 0.4 % e fëmijëve përfunduan në spital.
Shoqata e Pediatrisë tha se është urgjente që të mblidhen të dhëna për ndikimet afatgjata që mund të ketë koronavirusi tek fëmijët, pasi duhet përcaktuar se si ndikon tek ata fizikisht dhe mendërisht.
Takimi apo pjesëmarrja me persona që nuk i përkasin familjes , ndoshta edhe të prekur me Covid mund të sjellë edhe rritje të rasteve pozitivë.
Ndërkohë Qendra Amerikane për Kontrollin dhe Parandalimin e Sëmundjeve bën me dije se distancimi social dhe maskat janë një faktor për parandalimin e përhapjes së virusit.
Ndërsa studiuesit nga Universiteti i Mississippi, Departamenti i Shëndetit i Mississippi State of Health and CDC Covid-19 Team Response , ekzaminuan të dhëna për 397 fëmijë, më të vegjël se 18 vjeç, të cilët u testuan për Covid-19 në Mississippi midis shtatorit dhe nëntorit.
Shumë nga personat që rezultuan pozitivë të testit raportuan se ishin në kontakt të ngushtë me dikë që kishte Covid-19. Gjithashtu këta persona kishin më pak të ngjarë të kishin raportuar rregullisht mbajtjen e maskës nga studentët dhe stafi brenda shkollës së tyre, raporton studimi.
Midis 236 fëmijëve në studim që ndoqën kujdesin për fëmijët ose shkollën në dy javë para testimit, “prindërit e 64% të pacientëve të rastit dhe 76% të pjesëmarrësve të kontrollit raportuan se fëmija i tyre dhe të gjithë anëtarët e stafit kishin maska brenda objektit, “hulumtuesit shkruajnë në studim.
Studiuesit gjithashtu zbuluan se midis të gjithë fëmijëve dhe adoleshentëve të cilët rezultuan pozitivë për koronavirus, 69% raportuan se kishin qenë në kontakt të ngushtë me dikë që ishte prekur me COVID-19./abcnews.al/
