Forca Hapësinore e SHBA-së po ndërton një sistem global për të identifikuar “shënjestrat” e mundshme deri në 36,000 km larg, në hapësirat ku janë vendosur tashmë shumë satelitë ushtarakë, shkruan BBC.
Ministria e Mbrojtjes tha se aftësia e re e radarëve do të bëjë më të sigurt hapësirën ajrore. Vendimi i SHBA-së vjen mes shqetësimeve në rritje rreth bllokimit, konkurrencës dhe madje edhe një gare armatimesh në hapësirë.
Vetëm vitin e kaluar më shumë se 1.000 satelitë të rinj u lëshuan në hapësirë - përfshirë 10 nga ushtria amerikane. Planet për përdorimin e radarëve të përparuar në hapësirë janë diskutuar në Qendrën e Sistemeve Hapësinore dhe të Raketave të SHBA-së.
Sekretari i Mbrojtjes Ben Wallace dhe shefat e Mbrojtjes së Britanisë vizituan këtë javë Qendrën Hapësinore të SHBA-së. Ata gjithashtu diskutuan me SpaceX të Elon Musk.
Nënkoloneli Jack Walker i Forcës Hapësinore Amerikane tha për BBC se SHBA ishte “në diskutime” me Britaninë për vendosjen e radarëve “ndoshta në Skoci ose më në jug”. Ai tha se qendra do të përdorte ” 10 deri në 15 antena parabolike për gjurmim dhe katër deri në gjashtë për transmetim” dhe do të mbulonte një sipërfaqe prej rreth 1 km katror, raporton abcnews.al
Çdo antenë parabolike do të ketë diametër deri në 15 metra. Col Walker tha se qëllimi i sistemit do të ishte “zbulimi dhe gjurmimi i objektivave që potencialisht mund të jenë kërcënime për pasuritë tona më me vlerë.”
“Mund të jetë nga kinezët, mund të jetë nga rusët, mund të jetë anti-satelit ose mund të jenë mbetje në hapësirë,” tha ai.
SHBA tashmë po operon një sistem paralajmërimi për të zbuluar raketa balistike në hapësirë, i cili përfshin një shërbim në RAF Fylindales në North Yorkshire. Por sistemet e radarëve në bazën sekrete RAF mund të zbulojnë vetëm objekte deri në 20,000 km (12,400 milje) larg.
Sistemi i ri DARC do të jetë në gjendje të identifikojë objekte edhe më të largëta. Col Walker tha se do të jetë në gjendje të zbulojë një objekt me madhësinë e një top futbolli deri në 36,000 km (22,400 milje) larg.
Gjatë vizitës së SHBA-së, shefi i stafit ajror të Mbretërisë së Bashkuar, Sir Michael Wigston, tha “tani për tani Mbretëria e Bashkuar është fokusuar për të kuptuar se çfarë po ndodh në cepat e errët të hapësirës”.
Ai tha se bllokimi dhe konkurrenca në rritje në hapësirën ajrore ”të gjitha tregojnë nevojën për të kuptuar se çfarë po ndodh”. Sekretari i Mbrojtjes Ben Wallace tha se qeveria do të publikonte një strategji të re në vjeshtë.
Ai tha se hapësira ishte nën kërcënim dhe Mbretëria e Bashkuar duhej të mbronte infrastrukturën e saj kryesore kombëtare. Doktrina ushtarake e Mbretërisë së Bashkuar nuk ka të bëjë vetëm me “shkatërrimin e hapësirës, por edhe mbrojtjen hapësirës”, shtoi ai.
Një zëdhënës i Ministrisë së Mbrojtjes tha: “Radari ka potencialin për ta bërë më të sigurt hapësirën, duke mbrojtur sistemin satelitor dhe duke monitoruar objekte.
“Ne jemi duke diskutuar rreth partneritetit tonë të mundshëm me SHBA mbi DARC dhe diskutimet deri më tani kanë qenë pozitive.” s.ba/abcnews.al
