Loading ...
Shtetet e Bashkuara urdhëruan të shtunën një pjesë të personelit diplomatik në Ukrainë të largoheshin nga vendi mes paralajmërimeve për një pushtim rus.
“Pavarësisht reduktimit të stafit diplomatik, kolegët tanë të përkushtuar ukrainas dhe stafi i Departamentit të Shtetit në mbarë botën do të vazhdojnë të ndjekin përpjekjet diplomatike për sigurinë, demokracinë dhe sundimin e ligjit, tha ambasada amerikanë në Kiev tha në një postim në Twitter.
Today, the @StateDept ordered non-emergency U.S. employees at the Embassy to depart due to continued reports of a Russian military build-up on the border with Ukraine, indicating potential for significant military action. https://t.co/6IgLvE4PJS
— U.S. Embassy Kyiv (@USEmbassyKyiv) February 12, 2022
Rusia gjithashtu ka filluar të tërheqë një pjesë të stafit të saj në Ukrainë, duke shprehur shqetësimin e sfidave nga autoritetet ukrainase ose nga “vendet e treta”.
“Duke pasur frikë nga sfidat e mundshme nga regjimi i Kievit apo nga vendet e treta, ne vendosëm të tërheqim një pjesë të stafit tonë në Ukrainë”, tha diplomati rus në një deklaratë.
Në 24 orët e fundit janë intensifikuar skenarët e një pushtimi rus, pas paralajmërimeve të SHBA-së për veprime ushtarake nga Moska edhe para përfundimit të Lojërave Olimpike Dimërore. Pala ruse, si zakonisht, i mohoi këto akuza, duke folur për dezinformata të qëllimshme, raporton abcnews.al
“Histeria e Shtëpisë së Bardhë është më e qartë se kurrë, shkroi zëdhënësja e Ministrisë së Jashtme ruse Maria Zakharova në llogarinë e saj në Telegram, duke shtuar se për Shtetet e Bashkuara, “provokimet, dezinformatat, kërcënimet janë mënyra e preferuar për të zgjidhur problemet”.
Nga ana e tij, sekretari amerikan i Shtetit, Anthony Blinken tha se “Shtetet e Bashkuara janë të gatshme për çdo ngjarje pavarësisht nëse Moska zgjedh diplomacinë apo përshkallëzimin”.
/abcnews.al
