Sekretari amerikan i Mbrojtjes Lloyd Austin gjatë një vizite në Poloni këtë të premte ka deklaruar se deri më tani SHBA nuk kanë parë asnjë provë për tërheqjen e ushtrisë ruse nga kufijtë e Ukrainës.
Austin ka theksuar se vërtet kanë pohuar se po tërhiqen, por deri më tani nuk ka aSHBA snjë shenjë të tillë dhe se rusët vazhdojnë të përgatiten duke bërë gjëra që do të prisnit… nëse do të përgatisnin një sulm.
“Edhe pse Rusia ka njoftuar se po i kthen forcat e saj në kazerma, ne ende nuk e kemi parë këtë. Në fakt ne shohim më shumë forca që lëvizin në… atë rajon kufitarë. Ne i shohim gjithashtu se rusët që vazhdojnë të përgatiten duke bërë gjëra që do të prisnit… nëse do të përgatisnin një sulm. Ai përfshin një sërë gjërash në drejtim të afrimit me kufirin, shpërndarjes së trupave, rritjes së aftësive logjistike”, ka thënë ai.
Ndër të tjera ai tha se veprimet e Putinit kishin pasur efektin e kundërt të asaj që ai synonte, në vend të kësaj duke krijuar një “NATO më të fortë”.
Austin konfirmoi gjithashtu se SHBA kishte miratuar shitjen e 250 tankeve Abrams dhe pajisjeve të lidhura me Poloninë në një marrëveshje prej 6 miliardë dollarësh (4.4 miliardë paund)./abcnews.al
