Sharon Stone ka rrëfyer detaje nga jeta e saj personale në autobiografinë “The Beauty of Living Twice”. Një ndër deklaratat më tronditëse ishte abuzimi seksual i gjyshit të saj ndaj së motrës, e cila ishte vetëm 5 vjeç. Aktorja tha se zemërimi që kishte ndaj gjyshit të saj shërbeu si një motiv për interpretimin e rolit në “Basic Instinct” si një vrasëse seriale.
“Unë njëherë mendova se doja ta vrisja gjyshin tim duke e goditur me thikë. Dhe kur kam luajtur në “Basic Instinct”, shfryva gjithë zemërimin, lëshova errësirën që kisha brenda.”, tha ajo për New York Times. Në 2001, Sharon pësoi një goditje të rëndë e cila, përveç shëndetit të saj, shkatërroi karrierën, familjen, pasuritë financiare dhe famën ndërkombëtare.
Në autobiografinë e saj, ajo e riktheu atë moment të tmerrshëm: “Unë hapa sytë dhe pashë, para meje, disa centimetra nga fytyra ime. Një i huaj i përsosur më shikoi me aq butësi saqë mendova se isha në prag të vdekjes. Një burrë i bukur po më ledhatonte kokën dhe flokët. Për një moment shpresova se ai ishte atje sepse më donte. Por në vend të kësaj ai tha: “Ke një hemorragji në tru.“, thotë ajo. /abcnews.al
