Xherdan Shaqiri prej tre sezonesh është pjesë e Liverpool në Premier League, por në asnjë moment ai nuk mundi të fitojë vendin e titullarit dhe të jetë pikë mbështetëse për trajnerin Jurgen Klopp.
Minutat për yllin e Zvicrës janë të pakta dhe largimi në çdo merkato është çështje në Angli e jo vetëm. Së fundmi mësohet se Hertha Berlin ka qenë në tratativa për të transferuar yllin me origjinë nga Gjilani.
Por përpjekjet e klubit ku luan edhe Piatek kanë qenë të kota sepse Shaqiri nuk ka pranuar të bashkohet me klubin gjerman. Arsyeja është sepse ai dëshiron të kalojë në një ekip me më shumë pretendime dhe jo të luftojë për mbijetesën në elitën e futbollit gjerman. /abcnews.al
