Ndarja e Shakirës nga Pique duket se ka ndodhur mes shumë mosmarrëveshjeve. Kjo gjë është vënë re së fundmi, teksa ylli kolumbian ka acaruar marrëdhëniet si me ish-partnerin dhe babanë e djemve, por edhe me nënën e tij, pra ish-vjehrrën. Sipas një raporti të El Universal, Shakira, duke dashur të mbrojë privatësinë e saj, ka ndërtuar një mur në shtëpinë e saj në mënyrë që të mos ketë pamje nga shtëpia e ish-vjehrrës. Madje, ajo angazhoi një ekip të posaçëm për të bërë ndryshimet e nevojshme që shtëpia e mamasë së Piques të mos “shohë” atë të Shakirës.
Dhe, sikur të mos mjaftonin të gjitha, ajo vendosi edhe një kukull të madhe shtrige në ballkonin e shtëpisë së saj, duke e kthyer atë në anën e shtëpisë së vjehrrës.
Kujtojmë që Shakira nuk përmbahet në këngën e saj të fundit “Bizarrap”, e cila duket se i drejtohet Gerard Pique dhe partneres së tij të re Clara Chia Marti.
Ylli kolumbian këndon “Unë jam sa dy 22-vjeçarë. Ju keni shkëmbyer një Ferrari për një Tëingo. Ju keni shkëmbyer një Rolex për një Casio”./abcnews.al
