Pak muaj pas ndarjes së saj të shumëpërfolur nga Gerard Pique, Shakira i ka thënë lamtumirë jetës së saj në Barcelonë. Këngëtarja e njohur vendosi të shpërngulet me fëmijët e saj në Miami.
Shakira përmes një postimi në Instagram ka njoftuar se po largohet nga Barcelona, duke falënderuar fansat e saj dhe ata që e kanë mbështetur gjatë qëndrimit të saj në Spanjë. Madje, informacionet thonë se këngëtarja është larguar të dielën me dy djemtë që kishte me Pique për në Miami.
Shakira and her children have officially left Barcelona for their new home in Miami. pic.twitter.com/LGkGA2EdVU
— Pop Base (@PopBase) April 2, 2023
“Unë u vendosa në Barcelonë për t’u dhënë fëmijëve të mi stabilitet, të njëjtin që ne tani po kërkojmë në një cep tjetër të botës pranë familjes, miqve dhe detit. Sot ne fillojmë një kapitull të ri në kërkimin e tyre të lumturisë. Faleminderit të gjithëve që shfletuan kaq shumë fletë me mua atje në Barcelonë, qyteti ku mësova se miqësia është padyshim më e madhe se dashuria. Faleminderit të gjithëve që më inkurajuan atje, më thanë lotët, më frymëzuan dhe më bënë të rritem. Falenderoj publikun tim në Spanjë që më ka mbuluar gjithmonë me dashurinë dhe besnikërinë e tyre. Do të shihemi përsëri dhe siç tha babai im shumë herë, do të takohemi përsëri në qoshe”, ka shkruar ajo.
View this post on Instagram
Sipas podcast-it ‘Mamarazzi’, Shakira dhe dy djemtë e saj u larguan nga aeroporti i Barcelonës të dielën “në një destinacion të panjohur”. Gazeta katalanase “El Periodico” e cilësoi atë si “lamtumirën e fundit” të saj pasi më tej familja do të zhvendoset në Miami./abcnews.al
