Sfidat e sigurisë kombëtare dhe roli i gruas për kapërcimin e tyre u diskutua në një tryezë ku merrte pjesë edhe e ngarkuara me punë e SHBA-së në Tiranë Leyla Moses-Ones.
Moses-Ones u shpreh se gratë kanë një rol vendimtar në luftën kundër terrorizmit dhe parandalimin e zgjidhjen e konflikteve.
“Gratë në të gjithë botën kanë një rol mjaft të rëndësishëm në sektorin e sigurisë, procesin e paqes dhe luftës ndaj terrorizmit. SHBA i kupton sfidat strategjike që kanë gratë në të gjithë globin, si dhe barrierat që ato hasin në politikbërje. Si gra ne japim më të mirën edhe në sektorin e sigurisë. Gratë janë të afta të dëgjojnë problematikat pavarësisht zhurmës që gjendet përreth tyre”.
Moses-Ones theksoi se SHBA-të do të përkrahin çdo iniciativë që ka të bëje me rritjen e rolit të gruas në sektorin e sigurisë dhe jo vetëm
“Zëri i grave duhet të dëgjohet në çdo sektor, siç është edhe sektori i sigurisë. Perspektiva e grave duhet të merret në considerate pasi ajo vlen. Shfrytëzojeni këtë mundësi që ta përgatisni veten në këtë rol të rëndësishëm. SHBA-të do të qëndrojnë me ju teksa punoni për te rritur rolin e grave në kapërcimin e kërcënimeve të jashtme dhe brendshme të sigurisë dhe për të përkrahur paqe dhe begati me të madhe”.
Në aktivitetin e “Institutit për Vajzat dhe Gratë në Politikat e Sigurisë Kombëtare dhe Ndërkombëtare”, ishin të pranishëm aktorë nga shoqëria civile, politika dhe organizata të cilat punojnë për të fuqizuar rolin e gruas në vendimmarrje. /ABC news Albania 24/7
