Trajneri i Kombëtares, Sylvinho është shprehur në një deklaratë për shtyp se skuadra e Gjeorgjisë është një skuadër e fortë dhe ka lojtarë me cilësi si teknike dhe fizike.
Ai ka theksuar se për formacionin do të marrin një vendim ditën e nesërme, pasi ka qene një rrugëtim shumë i lodhshëm për lojtarët.
“Ai është një lojtar shumë i mirë, shumë i madh, por siç e kemi thënë Gjeorgjia ka një skuadër të fortë, të organizuar shumë mirë, ka lojtarë me cilësi teknike dhe fizike. Kështu që secili nga lojtarët në fushë duhet të ketë cilësi dhe të kujdesemi. Ne e njohim Gjeorgjinë si ekip, por secili nga lojtarët që futet në fushë do të jetë i rëndësishëm.
Ne kemi shpenzuar shumë energji në ndeshjen e kaluar, do të jetë kjo një ndeshje e vështirë, do jetë dhe kjo një ndeshje e vështirë, por ne nuk e dimë ende se me cilët lojtarë do të luajmë. Kemi pasur një rrugëtim të vështirë, nga Praga 4 orë. Kështu që nesër do të marrim një vendim. Kemi lojtarë që u besojmë 100% për tu futur në fushë“, tha Sylvinho.
/abcnews.al
