Trajneri i Barcelonë, Quique Setien, është impresionuar nga loja që paraqiti Napoli në finalen e Kupës së Italisë përballë Juventusit. Sipas strategut katalanas, Gennaro Gattuso ka ndërtuar një grup solid dhe një skuadër shumë të vështirë për ta mposhtur.
Barcelona duhet të kalojë Napolin në Champions League për të shkuar në 8 më të mirat, me sfidën e parë në San Paolo që u mbyll me rezultatin 1-1. Ndeshja e kthimit, do të luhet në Camp Nou, në datën 7 ose 8 gusht.
Për kundërshtarët në Champions League, Setien tha: “Napoli është një kundërshtar i fortë, ata bënë një paraqitje shumë të mirë në finalen e Kupës së Italisë. Edhe në ndeshjen e parë kundër nesh, na vunë në vështirësi. Tani kanë dhe moralin pas fitores së Kupës dhe do të jetë një sfidë kthimi shumë e vështirë”, tha mes të tjerash kreu i stolit të Barcelonës./abcnews.al
