Serbi, aksident tragjik në afërsi të Nishit

Një aksident tragjik është regjistruar në qytetin e Leskovcit në Serbi. 3 persona humbën jetën dhe 32 të tjerë u plagosën pasi një autobus i nisur nga Maqedonia doli nga rruga. 4 nga të lënduarit janë në gjendje të rëndë, raporton Klan Maqedonia. Ata janë dërguar menjëherë për në spitalin e qytetit të Nishit. Mediat serbe saktësojnë se fatkeqësia ka ndodhur në orët e para të mëngjesit. Autobusi, për arsye deri tani të panjohura, kishte dalë nga autostrada dhe ishte rrokullisur. Autobusi ishte nisur nga qyteti i Prilepit në Maqedoni, me destinacion Vjenën. Nuk dihet ende nëse mes udhëtarëve kishte shqiptarë./abcnews.al