Një delegacion i politikanëve amerikanë përfshirë udhëheqësin republikan të Senatit Mitch Mcconnell është takuar me presidentin e Ukrainës Zelensky në Kiev.
Senatorët Susan Collins, John Barrasso dhe John Cornyn ishin gjithashtu pjesë e vizitës në Kiev, shkruan Skynews.
Nëpërmjet një postimi në mediet sociale, Zelensky tha se vizita ishte “një sinjal i fortë i mbështetjes dypartiake për Ukrainën nga Kongresi i Shteteve të Bashkuara dhe populli amerikan”.
“Faleminderit që na ndihmoni të luftojmë jo vetëm për vendin tonë, por edhe për vlerat dhe liritë demokratike”, shkruan Zelensky.
/abcnews.al/
