Senati i Francës votoi të enjten në mëngjes për të rritur moshën e pensionit me dy vite në 64. Qeveria shpreson që ndryshimet e pensioneve të miratohen nga parlamenti deri në fund të muajit, sipas mediave franceze.
Por Macron-it i mungon një shumicë e plotë në Asamblenë Kombëtare dhe do t’i duhet të bindë disa dhjetëra ligjvënës konservatorë ose të përdorë fuqitë e tij kushtetuese për të anashkaluar parlamentin.
Organi legjislativ i dominuar nga konservatorët votoi në favor të një neni vendimtar për të rritur moshën e daljes në pension me 201 vota pro. Dhoma e lartë franceze pritet të miratojë nenet e mbetura të projekt-ligjit të reformës më vonë këtë javë.
Më pas do t’i dorëzohet një komisioni ndërmjetësimi midis ligjvënësve nga Senati dhe Asambleja Kombëtare, dhoma e ulët e parlamentit, javën e ardhshme. Shumica e Senatit po nxiton të përmbushë një afat të mesnatës së të dielës për të finalizuar legjislacionin.
Sindikatat që prej muajit janar i kanë bërë presion qeverisë duke organizuar protesta dhe greva, raporton abcnews.al.
Linjat hekurudhorë, autobusët dhe linjat ajrore ndërprenë punën gjatë ditëve të grevave. Portet kryesore detare u bllokuan gjithashtu, pasi punëtorët e porteve ishin në mesin e atyre që iu bashkuan grevave të vazhdueshme që kërkonin të bindin presidentin Emmanuel Macron të ndryshojë kursin e projektligjit që ai ka mbrojtur.
Macron e ka vënë ndryshimin në qendër të axhendës së tij politike, me qeverinë e tij që argumenton se rritja e moshës së pensionit dhe forcimi i kërkesave për një pension të plotë janë thelbësore për të mbajtur sistemin nga zhytja në deficit.
/abcnews.al
