Autoritetet në Selanik janë duke përgatitur një tren, i cili do të transportojë po të jetë e nevojshme pacientët e infektuar me koronavirus në spitalet e Athinës.
Mediat greke raportojnë se treni do të ketë katër vagonë të posaçëm. Ndërkohë, transportimi i pacientëve do të bëhet me kapsula të veçanta dhe barelë, siç parashikohet nga protokollet shëndetësore.
Nga vagonët, me një kapacitet prej 80 pasagjerësh secili, sediljet hiqen për të akomoduar 30-40 pacientë.
Duke pasur parasysh situatën e alarmit në Selanik dhe presionin në rritje ndaj spitaleve, transporti i pacientëve me tren u gjykua si një zgjidhje që do të lejojë më shumë transport masiv, krahasuar me avionët C130. g.v/abcnews.al
