Chelsea ia doli të përmbyste disavantazhin ndaj Arsenalit dhe ngjyrosi blu derbin e Londrës. Jorginho dhe Abraham shënuan golat në minutat e fundit, i dhuruan tre pikët ekipit dhe rikthyen Chelsea te fitorja në fushën e Arsenalit pas gati 4 vitesh.
Frank Lampard ka treguar një detaj interesant në lidhje me çfarë ndodhi në pushim. “Blutë e Londrës” po humbitnin dhe pjesa e parë ishte zhgënjyese. Trajneri sqaron për The Sun “përplasjen” në dhomat e zhveshjes, diçka që dha efekt dhe solli përmbysjen e madhe.
The perfect ending to a pretty special decade! ?#ARSCHE pic.twitter.com/YYYPYH7F7Y
— Chelsea FC (@ChelseaFC) December 29, 2019
“Në pushim të ndeshjes isha shumë i zemëruar me mënyrën se si po luanim. Sapo hyra në dhomat e zhveshjes u thashë lojtarëve se çfarë po mendoja. Më pas i lashë lojtarët të përballeshin dhe debatonin me njëri-tjetrin.
Të them të vërtetën, u bënë pak agresivë, por më mirë kështu, nuk kam nevojë për 11 lojtarë të qullacë. Ai moment shpërthimi duhet t’i ketë karikuar mirë. Në pjesën e dytë ia dolëm të luanim ndeshjen që donim, duke luftuar dhe reaguar pas humbjes ndaj Southampton“, përfundon Frank Lampard. /abcnews.al
