Zëdhënësi i qeverisë gjermane Steffen Hebstreit mori të mërkurën përgjegjësinë e plotë për incidentin e së martës mbrëma në kancelari, kur kancelari Olaf Scholz la pa përgjigje komentet e presidentit palestinez Mahmoud Abbas për “50 holokaustet nga Izraeli kundër palestinezëve”, duke shkaktuar një “stuhi” reagimesh.
Lexo edhe: Kritika të forta ndaj Scholz për mosreagimin ndaj presidentit Abaz
“Më vjen shumë keq. Nuk u kujdesa sa duhet dhe nuk reagova shpejt. Ky ishte gabimi im dhe për këtë duhet të marr përgjegjësi”, tha zëdhënësi i qeverisë, i cili mbrëmë, gjatë deklaratave të përbashkëta të dy liderë, nxituan të mbyllin konferencën për shtyp pas katër pyetjeve, sipas programit, pa i dhënë mundësi kancelarit të komentojë deklaratat e Abasit.
Me t’u larguar, Olaf Solz i vuri në dukje, siç tha Hebstreit, se ishte paksa me nxitim dhe se do të donte të kishte thënë diçka më shumë.
“Kancelarit i vjen keq që nuk ishte në gjendje të ndërhynte për herë të dytë në konferencën për shtyp dhe të reagonte ndryshe ndaj akuzave të liderit palestinez, por ai e bëri këtë shumë shpejt më pas, tha zëdhënësi, i cili mori një mori pyetjesh të lidhura gjatë një konference të rregullt me gayetarët sot. Olaf Solz është i indinjuar dhe i tmerruar nga deklaratat e papërshkrueshme të Mahmoud Abbas. Relativizimi i Holokaustit është plotësisht i papranueshëm dhe të ndodhë në tokën gjermane është e pafalshme”, shtoi zëdhënësi i qeverisë.
Por edhe përpara deklaratës kontroverse të Mahmud Abasit, dallimi i opinioneve midis dy liderëve ishte bërë i dukshëm. Kur lideri palestinez iu referua një “sistemi aparteidi” nga Izraeli, kancelari gjerman u përgjigj se ai nuk e pranon termin “aparteid” dhe nuk e konsideron situatën të përshkruhet në këtë mënyrë, ndërkohë që foli edhe kundër përfshirjes së plotë të Palestinës në Kombet e Bashkuara, ku sot kanë statusin e vëzhguesit.
Më herët sot të mërkurën, kreu i delegacionit palestinez në Berlin është thirrur në kancelari, ku sipas zëdhënësit të qeverisë është informuar “përtej çdo dyshimi” për qëndrimin e qeverisë gjermane.
“Kancelari pret që zoti Abbas të njohë pa rezerva veçantinë e Holokaustit”, theksoi Stephen Hebstreit dhe vuri në dukje se “dalja nga shinat e presidentit palestinez hedh një hije të errët mbi marrëdhëniet e Gjermanisë me Autoritetin Palestinez”. Kancelari pritet të ketë një bisedë telefonike me kryeministrin izraelit Yair Lapid më vonë gjatë ditës për të biseduar drejtpërdrejt me të për incidentin, tha zëdhënësi, duke shtuar se qeveria federale i kushton rëndësinë më të madhe marrëdhënieve të ngushta dhe të besueshme me Izraelin.
Më parë kreu i Komisionit të Mbrojtjes së Bundestagut. Marie-Agnes Strack-Zimmerman (e FDP) e kishte vënë në pikëpyetje drejtpërdrejt përshtatshmërinë e Hebstreit për postin e zëdhënësit të qeverisë, pasi, siç tha ajo për revistën Der Spiegel, “fakti që ai e mbylli konferencën për shtyp ashtu, përpara se kancelari të merrte frymë, tregon mungesë instinkti politik”.
“Ai ka dëmtuar shefin e tij dhe vendin dhe duhet të shtrohet pyetja nëse ai është njeriu i duhur për këtë punë”, shtoi ajo. /abcnews.al
