Scholz: Embargoja e gazit rus nuk do t’i jepte fund luftës

schedule21:27 - 22 Prill, 2022

schedule 21:27 - 22 Prill, 2022

Scholz përsëriti kundërshtimin e tij ndaj një embargoje ndaj importeve të gazit rus,  në një intervistë për gazetën gjermane del explanet, shkruan la repubblica.

“Unë absolutisht nuk e shoh se si një embargo gazi do t’i japë fund luftës,” tha kancelari gjerman.

“Nëse presidenti rus Vladimir Putin do të kishte qenë i hapur ndaj argumenteve ekonomike, atëherë ai nuk do ta kishte nisur këtë luftë të çmendur në radhë të parë”, theksoi Scholz.

Ai tha më parë se një ndalim i importit të gazit do të dëmtonte më shumë ekonominë gjermane sesa atë ruse. Më shumë se gjysma e importeve të gazit natyror të Gjermanisë vijnë nga Rusia.

Megjithëse vendet e BE-së kanë rënë dakord për një ndalim të qymyrit rus, zëvendësimi i furnizimeve me gaz rus do të ishte shumë më i vështirë. Të premten, banka qendrore gjermane parashikoi se Gjermania do të hynte në recesion në rast të një ndalimi të papritur të importeve ruse të energjisë.

/abcnews.al