Bashkimi Evropian duhet të mbështesë vendet e Ballkanit Perëndimor në përpjekjen e tyre për t’u bashkuar me bllokun sa më shpejt të jetë e mundur, si pjesë e strategjisë së tij për të siguruar paqen rajonale, tha të mërkurën kancelari gjerman Olaf Scholz, shkruan Reuters.
“Në Këshillin Evropian, të vendosur si kurrë më parë, ne do të biem dakord nesër dhe pasnesër për një strategji të re të sigurisë evropiane”, tha Scholz në dhomën e ulët të parlamentit të Bundestagut.
Scholz tha se Evropa duhet të forcojë qëndrueshmërinë e saj ndaj krizës në lidhje me politikën ekonomike, por edhe teknologjitë e reja dhe hapësirën kibernetike, si dhe të mbështesë vendet e Ballkanit Perëndimor në ofertat e tyre për anëtarësim në BE.
Shumë në Ballkan dyshojnë në zotimin e BE-së, të bërë për herë të parë 18 vjet më parë, për të pranuar përfundimisht Serbinë, Malin e Zi, Bosnje-Hercegovinën, Maqedoninë e Veriut, Kosovën dhe Shqipërinë në bllok./abcnews.al/
