PSG nuk ka ndërmend të ndalet, teksa drejtuesit parizien po tentojnë çdo lojtarë që konsiderohet i rëndësishëm për formacionin e tyre.
Një nga lojtarët që kampionët e francës po tentojnë është edhe Gianluca Scamacca, i cili sezonin e fundit shkëlqeu me Sassuolon në Serie A.
23-vjeçari zhvilloi 36 ndeshje në Serie A ku e mbylli sezonin me 16 gola të shënuar duke e rritur ndjeshëm edhe çmimin e tij.
Kryeqytetasit francez tanimë kanë bërë një hap para për transferimin e italianit duke bërë ofertë zyrtare në drejtim të Sassuolos.
“Sky Sport” ka raportuar se kampioni në fuqi i Francës ka bërë ofertë zyrtare prej 30 milionë eurove plus pesë milionë të tjera bonuse.
Megjithatë kjo ofertë nuk e ka kënaqur Sassuolon që po pretendon të fitojë rreth 50 milionë euro nga shitja e lojtarit italian.
Gjithsesi negociatat mes dy klubeve pritet të vazhdojnë gjatë ditëve të ardhshme, derisa vet lojtari i ka dhënë një përgjigje pozitive drejtuesve parisienë për transferimin në “Parc de Princes”.
ULTIM’ORA MERCATO
BLITZ DEL PSG: INCONTRATO SASSUOLO PER SCAMACCA
OFFERTA DA 30 MLN + 5 DI BONUS, NO DEI NEROVERDI#SkySport #SkyCalciomercato #Scamacca #Sassuolo #PSG— skysport (@SkySport) July 8, 2022
/f.a/abcnews.al
