Loading ...
William Saliba është kthyer në mollë sherri mes Arsenalit dhe St Ettiene. Mbrojtësi u ble verën e shkuar për 30 milion euro dhe u la për një vit huazim te francezët. Kontrata e huazimit ka përfunduar dhe “Topçinjtë” e duan lojtarin të transferohet në Angli.
Ata nuk e kanë lejuar mbrojtësin të luajë në finalen e Kupës së Francës dhe arsyeja janë paratë. Në marrëveshjen e bërë vjet, nëse Saliba do të luante 18 ndeshje, atëherë Arsenali duhet të paguante edhe 2.5 milion të tjera shtesë.
Mbrojtësi numëronte 17 ndeshje dhe me finalen e Kupës anglezët duhet të paguanin. Sigurisht nuk mund t’ia lejonin vetes diçka të tillë. Saliba në fakt nuk ka pasur fat, pasi ka pasur një dëmtim që e penalizoi. Versioni zyrtar i Arsenalit, për ndërprerjen e huazimit është tjetër.
Në deklaratën e bërë në faqen zyrtare, londinezët bëjnë me dije se kanë kërkuar nga klubi francez që t’i japë një program specifik stërvitor futbollistit Saliba, për shkak se ai ka qenë i dëmtuar dhe duhet të kapë sa më shpejt formën. Arsenal thotë se St Ettiene nuk ka pranuar dhe kështu ata kanë vendosur të zbatojnë marrëveshjen. /abcnews.al
