Në këtë karrige ku qëndroi jo shumë gjatë Ervin Salianji do të ulet deputeti Tomor Alizoti. Vendimi i zëvendësimit është firmosur nga kryetari i Partisë Demokratike, Sali Berisha, këtë të martë, ndërsa vendi i drejtuesit politik të PD-së për Elbasanin ishte bosh, që prej fundit të shtatorit, kur ish-deputeti u burgos.
Me këtë firmë të Berishës, Tomor Alizoti që gjatë 2021 drejtoi qarkun e Beratit, do të zhvendoset në Elbasan, për të drejtuar demokratët atje, gjatë kësaj fushate të ethshme kur opozitaret, përpara se të tentojnë rotacionin, do tentojnë te forcojnë pozitat e dobësuara, krahasuar me vitin 2021z
Berisha ka firmosur dhe për rikthimin e Jozefina Topallit, që është e vetmja grua në armatën e burrave, drejtues të fushatës.
Ish-kryetarja e Parlamentit do të jetë përball Taulant Ballës së PS-së, që ka nisur takimet me diasporën prej fillimit të shtatorit.
Berisha i ka besuar Topallit, dikur dora e djathtë e tij, më të panjohurën e këtyre zgjedhjeve, votën e diasporës.
Vendimi hyn në fuqi menjëherë, ndërsa Berisha ka caktuar dhe një mbështetës të Belind Këlliçit, drejtuesit të qarkut Tiranë, kryebashkiakun Fisnik Qosja, që do të drejtojë bashkinë e Kavajës dhe Rrogozhinën.
/abcnews.al/
