Që prej fillimit të luftës Rusi-Ukrainë, dhjetë milionë njerëz janë larguar nga shtëpitë e tyre në Ukrainë për shkak të pushtimit rus, thotë Komisioneri i Lartë i Kombeve të Bashkuara për Refugjatët.
3.5 milionë janë larguar për në vendet fqinje jashtë Ukrainës, ndërsa 6.5 milionë të tjerë mendohet se janë të zhvendosur brenda vendit të shkatërruar nga lufta, raporton abcnews.al.
Ku po zhvendosen njerëzit brenda Ukrainës?
Shifra e OKB-së bazohet në hulumtimin e Organizatës Ndërkombëtare për Migracionin (IOM) të kryer midis 9 dhe 16 marsit.
Nga 2,000 personat e zhvendosur brenda vendit që anketoi :
• gati 30% kishin ardhur nga Kievi, më shumë se 36% kishin ikur nga lindja e Ukrainës dhe 20% kishin ardhur nga veriu
• gati 40% ndodhen tani në perëndim të Ukrainës, me më pak se 3% në Kiev
• vetëm 5% kanë lënë shtëpitë e tyre në pritje të pushtimit, me shumicën dërrmuese të arratisjeve ose në fillim të luftës ose kur ajo arriti në zonën e tyre
Lexo edhe:Zelensky: Në Mariupolin e bombarduar nuk ka mbetur asgjë, vetëm rrënoja
IOM vlerëson se më shumë se gjysma e njerëzve të zhvendosur brenda vendit janë gra, shkruan BBC.
Çfarë po ndodh për njerëzit që zhvendosen brenda Ukrainës?
OKB-ja, e cila po punon së bashku me organizata të tjera për të ofruar ndihmë për njerëzit në Ukrainë, thotë se po ofron ndihmë humanitare “kudo që është e nevojshme dhe e mundur”. Kjo përfshin:
• dhënie parash njerëzve për gjërat bazë si ushqimi dhe qiraja
• dërgimi i furnizimeve nga perëndimi në lindje, duke përfshirë ushqime
• sigurimi i shtretërve portativë për njerëzit në strehimoret e bombave
• ngritja e pikave të pritjes dhe tranzitit për personat e zhvendosur brenda vendit
Përveç 6.5 milionë njerëzve që kanë lënë shtëpitë e tyre, rreth 12 milionë mendohet të jenë të bllokuar, nuk nuk kanë mundësi të largohen nga zonat e prekura nga luftimet.
Në cilat vende po shkojnë refugjatët e Ukrainës?
Refugjatët po kalojnë gjithashtu në vendet fqinje në perëndim, si Polonia, Rumania, Sllovakia, Hungaria dhe Moldavia.
OKB thotë se që nga 21 marsi , 3.5 milionë njerëz janë larguar nga Ukraina:
• Polonia ka pranuar 2,113,554 refugjatë
• Rumania 543 308
• Moldavia 367.913
• Hungaria 317,863
• Sllovakia 253.592
• Rusia 252,376
• Bjellorusia 4308
/abcnews.al/
