Kjo e enjte ka nisur fillimisht me shumë argëtim për konkurrentët në Dance Reality Show “T’ka mami yll”, pasi të pranishme në prova ishin edhe nga vajzat më të vogla të “Akademisë së Kërcimit Albi Nako”.
Mirëpo, duket se gëzimi nuk ka zgjatur shumë për fëmijët, pasi profesori ka dhënë një lajm jo shumë të mirë. Ai ka njoftuar se përveç se do të ketë një të eliminuar mes Sindit, Tadeas dhe Aronit, gjithashtu do të largohen nga sfida edhe dy të tjerë. Madje, sipas Albit mund të eliminohen edhe tre, por gjithçka mbetet për t’u parë deri të shtunën.
“Mos harroni që në këtë puntatë që vjen ikën një nga këta të tre, ikin edhe dy nga juve, mund të ketë edhe tre, por që do ta shohim”, tha profesori. Më tej, vazhduan provat të gjithë konkurentët me koreografitë përkatëse, duke përsëritur deri në fund çdo lëvizje një edhe nga një.
/abcnews.al
