Forcat ruse goditën një qendër mjekësore në Sumy në Ukrainën verilindore të shtunën në mëngjes dhe më pas goditën përsëri ndërsa ndërtesa po evakuohej, duke vrarë gjithsej tetë persona, thanë zyrtarët ukrainas.
Prokurorët ukrainas thanë se në kohën e sulmeve, 86 pacientë dhe 38 anëtarë të stafit ishin në spital.
“Sulmi i parë vrau një person dhe dëmtoi tavanet e disa kateve të spitalit”, tha ministri i Brendshëm Ihor Klymenko në Telegram. Ndërsa njerëzit po evakuoheshin, rusët goditën përsëri, duke vrarë 5 të tjerë.
Presidenti i Ukrainës, Volodymyr Zelensky më vonë tha se tetë persona u vranë dhe 11 u plagosën.
“Çdokush në botë që flet për këtë luftë duhet t’i kushtojë vëmendje se ku po godet Rusia. Ata po luftojnë spitalet, objektet civile dhe jetët e njerëzve,” tha Zelensky në Telegram.
“Vetëm forca mund ta detyrojë Rusinë drejt paqes. Paqja përmes forcës është e vetmja rrugë e drejtë.”/abcnews.al
