Loading ...
Çmimet e gazit janë rritur për shkak të shqetësimeve për furnizimet me energji, pasi Rusia njoftoi se nuk do të rihapë tubacionin kryesor që furnizon me gaz Evropën.
Çmimi i shitjes me shumicë i gazit për muajin e ardhshëm në Holandë pritet të rritet me 26%, shkruan BBC.
Gazsjellësi rus Nord Stream ishte planifikuar të rihapej të shtunën, 3 shtator, pasi ishte mbyllur për tre ditë rresht.
Por të premten kompania shtetërore e energjisë Gazprom, njoftoi se tubacioni që furnizon Evropën ka një problem teknik, e për pasojë nuk do të rihapet.
Evropa ka akuzuar Rusinë për përdorimin e furnizimeve me gaz për ta shantazhuar atë. Një gjë e tillë është mohuar kategorikisht nga Moska.
