Pas njohjes se rajonit të Dondasit nga Putin ditën e djeshme dhe pas dërgimit të trupave rusë në Ukrainën lindore, vendet perëndimore kanë nisur të vendosin sanksione ndaj Rusisë njëra pas tjetrës.
Mbretëria e Bashkuar aplikoi sanksione kundrejt pesë bankave dhe tre miliarderëve rusë, shkruan BBC.
Kryeministri britanik paralajmëroi deputetët për “një krizë të zgjatur”. Ai shtoi se “breshëria e parë” e sanksioneve do të zgjatej nëse situata përshkallëzohej më tej. BE dhe SHBA kanë vendosur gjithashtu sanksione.
Ndërkohë Gjermania pezulloi përkohësisht projektin e gazsjellësit nga Rusia “Nord Stream 2”.
Kancelari gjerman i ka kërkuar Ministrisë Federale të Ekonomisë të ndërmarrë hapat e nevojshëm administrativë në mënyrë që të mos bëhet asnjë cxertifikim i gazsjellësit për momentin.
“Dhe pa këtë certifikim, Nord Stream 2 nuk mund të vihet në shërbim”
Scholzi vuri në dukje se masat e marra nga Rusia në lidhje me Ukrainën lindore përfaqësojnë ndryshimin e situatës. Prandaj, situata duhet të rivlerësohet, “veçanërisht në lidhje me Nord Stream 2”.
Për këtë shkak ai kërkoi nga Ministria e Ekonomisë që “të tërheqë te Agjencia Federale e Rrjetit raportin ekzistues për analizën e sigurisë së furnizimit”. Kjo procedurë është “hap i nevojshëm administrativ në mënyrë që të mos bëhet tani asnjë çertifikim i gazsjellësit”./abcnews.al/
