Rusia njeh emrin e ri zyrtar të Maqedonisë

schedule19:18 - 18 Mars, 2019

schedule 19:18 - 18 Mars, 2019

Rusia ka njohur termin “Republika e Maqedonisë së Veriut” si emrin e ri zyrtar të Maqedonisë. Vendimi është marrë të hënën dhe është komunikuar nga Ministria e Jashtme ruse, pavarësisht se më herët Kremlini kishte shprehur rezervat e tij mbi legjitimitetin e këtij emërtimi.

Njohja nga Moska vjen pasi Parlamenti maqedonas miratoi në janar një amendament që i jepte vendit emrin e ri, në kuadër të marrëveshjes së Prespës të arritur me Greqinë për t’i dhënë fund kontestit 27-vjeçar mes dy vendeve fqinje.

Skepticizmi rus kishte të bënte me faktin se emri i ri i jepte vendit ballkanas akses në aleancën ushtarake të NATO-s, zgjerimin e të cilës Kremlini e sheh me shqetësim./abcnews.al