Rusia ka nisur stërvitjet e planifikuara në Detin Baltik, mes tensioneve në rritje me fqinjët e saj europianë rreth konfliktit në Ukrainë. Rusia ka njoftuar se 30 luftanije dhe varka, si dhe 20 anije mbështetëse dhe avionë do të marrin pjesë në stërvitje, bashkë me 6.000 ushtarakë.
Gjatë manovrave, marina ruse do të ushtrojë mbrojtjen e rrugëve detare, transportimin e trupave dhe ngarkesave ushtarake, dhe mbrojtjen e vijës bregdetare, thuhet në komunikatën e ministrisë ruse.
“Planifikohet kryerja e mbi 200 ushtrimeve luftarake, ku do të përfshihet edhe përdorimi i armëve”, kanë bërë të ditur autoritetet ruse.
/abcnews.al
