Komiteti Hetues i Rusisë hap një çështje penale ndaj kritikut të Kremlinit, Aleksei Navalny, duke e akuzuar atë për vjedhjen e qindra miliona rublave, të dhuruara për organizatën e tij anti-korrupsion.
Medit e huaja bëjnë me dije se rasti ngre pyetjen nëse Navalny, i cili po rikuperohet në Gjermani pas helmimit me agjent nervor në muajin gusht, do të kthehet në Rusi, ku mund të përballet me burgosje, nëse gjendet fajtor.
Ndërkphë në një reagim më herët Navalny i hodhi poshtë akuzat e fundit, duke i cilësuar si hakmarrje e qeverisë për të mbijetuarit e sulmit me helm dhe më pas ekspozimin e atyre që ishin përgjegjës për sulmin.
Navalny e cilësoi helmimin si atentat nga shërbimet e sigurimit të shtetit.
“E kam thënë menjëherë: ata do të përpiqen të më burgosin sepse nuk kam vdekur dhe pastaj kam kërkuar vrasësit e mi”, tha Navalny.
Ndër të tjera ai tha se presidenti rus, Vladimir Putin, “është personalisht pas gjithçkaje”.
“Ai është hajdut, i gatshëm t’i vrasë ata që nuk pranojnë të heshtin për vjedhjet e tij”, ka thën Navalny.
Navalny është bërë gjemb në vëmendjen e Kremlinit për shkak të hetimeve të tij të hollësishme të korrupsionit në nivele të larta të qeverisë. Ai është burgosur për periudha të shkurtra kohore në disa raste./abcnews.al
