Mijëra njerëz u mblodhën sot në Sheshin e Kuq të Moskës për të festuar përvjetorin e parë të aneksimit të katër rajoneve të Ukrainës, mes sloganeve të tilla si “një komb, një familje, një Rusi” dhe “Donbass është Rusia e Re”.
Në shtator 2022, saktësisht një vit më parë, presidenti rus Vladimir Putin nënshkroi dokumentet që aneksonin rajonet ukrainase të Donetskut, Lugansk, Zaporizhia dhe Kherson në Rusi.
Putin pretendon, nga ana e tij, se këto toka “u kthyen në atdheun e tyre historik” dhe në këtë kontekst 30 shtatori festohet tani në Rusi si “Dita e Ribashkimit”.
Mirëpo, këtë vit presidenti rus nuk ka marrë pjesë në eventet përkatëse.
Aneksimi i këtyre zonave në Federatën Ruse është dënuar nga Kievi dhe Perëndimi si i njëanshëm dhe i paligjshëm.
Duhet të kujtojmë se Rusia nuk i kontrollon plotësisht këto katër rajone ukrainase që forcat e Kievit po përpiqen të çlirojnë.
