Zyrtarët rusë kanë thënë se Kremlini nuk do të marrë parasysh kërkesën e gjykatës së Kombeve të Bashkuara pasi Gjykata e Lartë e Kombeve të Bashkuara urdhëroi ndalimin e menjëhershëm.
Gjykata kishte thënë se ishte “thellësisht e shqetësuar” nga përdorimi i forcës nga Rusia.
Kremlini ka thënë tani se nuk do t’i kushtojë vëmendje urdhrit, duke akuzuar mediat perëndimore për përhapjen e “lajmeve të rreme monstruoze” në lidhje me konfliktin.
I pyetur në lidhje me raportet e përparimit në bisedimet e paqes me Ukrainën, Kremlini tha se negociatorët rusë po vendosnin “energji kolosale” në diskutime – më shumë se Ukraina.
Lexo KËTU live zhvillimet e luftës
Kushtet e Rusisë për një marrëveshje paqeje janë “absolutisht të qarta” dhe mund të ndalojnë atë që po ndodh “shumë shpejt”, thanë ata.
Më herët gjatë fjalimit të tij të përditshëm me video-mesazh, presidenti ukrainas u bëri thirrje edhe një herë liderëve perëndimorë për zbatimin e një zone ndalim-fluturimi dhe paketa të reja sanksionesh kundër Rusisë.
Njëkohësisht Zelensky është duke mbajtur një fjalim online para parlamentit gjerman, ku ka kritikuar liderët perëndimorë, duke i thënë se ata interesohen vetëm për ekonomitë e tyre dhe se sanksionet nga Perëndimi kundër Rusisë u vendosën shumë vonë.
Në ditën e 22 të luftës, burime nga disa anë konfirmojnë se Vladimir Putin ka ngecur me planin e tij të pushtimit. Japonia publikoi pamje të disa anijeve ushtarake ruse që mendohet se po dërgojnë trupa në Ukrainë, nga ana tjetër Inteligjenca Britanike tha se pushtimi rus ka ngecur në të gjitha frontet./abcneës.al/
