Rritje pagash për Policinë e Shtetit/ Koçiu: 720 punonjës përfitojnë rritje të mëtejshme page

“720 punonjës përfitojnë rritje të mëtejshme page”, kështu u shpreh ministrja Albana Koçiu në një konferencë për mediat.

Gjithashtu, ministria e Punëve të Brendshme, Albana Koçiu gjatë fjalës së saj tha se është shumë e rëndësishme mbështetja për Policinë e Shtetit, duke nënvizuar se rritja e pagave do të jetë për të gjithë ata efektivë që janë në vijën e parë të rrezikshmërisë.

Ministrja Koçiu sqaroi se rritja e pagës vjen për kategori që janë vlerësuar nga vetë strukturat e Policisë së Shtetit si struktura që kanë nevojë për qëndrueshmëri.

“Këtë prezantim e mbyll me një lajm të mirë që ka të bëjë me faktin që në mbledhjen e radhës kemi propozuar një rritje të re pagash sa i përket punonjësve të policisë. 720 prej tyre do të përfitojnë rritje dhe është një rritje që shpërblen të gjithë ata policisë që përballen dhe janë në vijën e parë të rrezikshmërisë. Bëhet fjalë për Forcat RENEA, Forcat kombëtare të sigurisë dhe forcat e posaçme operacionale”, tha ajo.

/abcnews.al/