Alpinistët dhe autoritetet në kampin bazë Everest në Nepal thanë për BBC se po shohin një rritje të numrit të alpinistëve me simptoma të Covid-19 dhe një rritje të testeve pozitive, duke rritur frikën e një shpërthimi serioz.
Zyrtarët e kampit bazë thanë se kishin marrë raporte të 17 rasteve të konfirmuara nga spitalin në kryeqytetin Katmandu, ku një numër alpinistësh janë dërguar nga kampi bazë në kampet më të larta për t’u trajtuar.
Edhe stafi i spitalit privat në Kathmandu konfirmoi për BBC se pacientët kishin rezultuar pozitivë me koronavirus pasi mbërritën nga kampi bazë në Everest, informon abcnews.al.
Nga ana tjetër, qeveria e Nepalit ka mohuar të ketë raste pozitive në kamp, duke ngritur shqetësime se zyrtarët po minojnë shkallën e situatës nga frika se do të sjellë më shumë presion për të mbyllur malin për ekspedita.
Alpinistët e huaj janë një burim kryesor i të ardhurave për qeverinë Nepaleze, e cila mbylli Everestin vitin e kaluar gjatë pandemisë.
Numri i rasteve të koronavirusit është rritur ndjeshëm në Nepal javët e fundit dhe vendi ka shkallën më të lartë të infeksionit midis vendeve fqinje përveç Indisë, ku një valë e dytë ka shkaktuar një krizë të madhe./abcnews.al
