Në Francë situata e koronavirusit vijon të jetë shqetësuese.
Autoritetet shëndetësore bëjnë me dije se numri i viktimave është rritur. Bëhet me dije se në 24 orët e fundit janë regjistruar 123 viktima.
Ndërkohë ka pasur edhe një shtim të rasteve të reja me koronavirus, po ashtu edhe numri i personave të moshuar, të shtruar në spitale është rritur.
“Për herë të parë që nga heqja e izolimi (mars-maj), ne po shohim një rritje të vdekjeve nga Covid-19. Intensifikimi i përhapjes së virusit midis grupmoshës më të vjetër shton frikën për vazhdimin e shtrimeve në spital dhe rritjen e viktimave në javët në vijim”, paralajmërojnë autoritetet shëndetësore në Francë.
/abcnews.al/
