Stafi mjeksor gjithë këtë kohë pandemie ka qenë në qendër të vëmendjes dhe shpresa e të gjithëve. Thuajse të gjithë vendet e botës kanë nderuar dhe falenderuar stafin mjeksor për punën e tyre ndërsa në Meksikë duket se ka ndodhur e kundërta.
Rritja e numrit të rasteve me koronavirus në Meksikë, ka sjellë me vete një valë dhune ndaj infermierëve dhe mjekëve që janë akuzuar gabimisht për përhapjen e sëmundjes.
Ndër të tjera mediat ndërkombëtare bëjnë me dije se të paktën 21 punonjës mjekësie janë sulmuar në 12 shtete në të gjithë vendin, sipas Fabiana Zepeda, udhëheqësja e infermierisë për Institutin e Sigurisë Sociale meksikane.
Ndërkohë në fjalën e saj ajo është shprehur se këtë javë se shumë punonjës shëndetësorë kishin filluar të ndryshonin nga uniformat e tyre kur udhëtonin për në këmbë nga puna, për të mos u sulmuar./abcnews.al
