Shkalla e papunësisë në Mbretërinë e Bashkuar u rrit në 4.3% në tremujorin korrik-shtator nga 4% në periudhën e mëparshme, ndërsa ngadalësimi i rritjes së pagave rrit perspektivën e uljes së mëtejshme të normave të interesit, njoftoi Zyra Britanike për Statistikat Kombëtare (ONS).
Përqindja e njerëzve në Britaninë e Madhe që nuk janë ekonomikisht aktivë, pra nuk janë të punësuar dhe nuk kërkojnë punë, është 21.8 për qind.
Pagat në Mbretërinë e Bashkuar, duke përjashtuar bonuset, u rritën me 4.8 për qind nga viti në vit në tremujorin korrik-shtator, duke u ngadalësuar nga rritja 4.9 për qind në tremujorin e mëparshëm.
Ekonomistët besojnë se Banka e Anglisë mund të vazhdojë të ulë gradualisht normat e interesit bazuar në rritjen më të ngadaltë të pagave në Britani, shkruan The Guardian.
Eksperti i agjencisë Capital Economix, Paul Daley, beson se Banka e Anglisë do të mbajë në të njëjtin nivel normat e interesit në dhjetor dhe do t’i ulë ato në takimin e politikës monetare të shkurtit.
Paundi britanik ra 0.5 për qind në 1.2806 dollarë, më i ulëti që nga mesi i gushtit, pas publikimit të të dhënave për papunësinë dhe pagat./abcnews.al
