Shtrenjtohen çmimet e pasurive të paluajtshme në qytetin bregdetar të Vlorës. Agjentët imobiliarë thonë se aktualisht zonat përgjatë bregdetit në Lungomare po shiten me 2-3500 euro metri katror. Pritshëmritë janë që çmimet të vijojnë të rriten.
Kjo situatë ka ardhur si pasojë e kërkesave të shtuara për blerje kryesisht nga të huajt si italianë, anglezë e rusë.
Edhe qiratë në Vlorë kanë njohur një rritje të konsiderueshme dhe kjo tendencë pritet të forcohet me afrimin e veres.
Shtrenjtimi i çmimeve të vilave dhe apartamenteve po vijon pothuajse përgjatë gjithë bregdetit kryesisht në zonat rezidenciale në Vlorë Sarandë e Durrës./abcnews.al
