Në një intervistë për mediat vendase, Presidenti i Serbisë, Aleksandër Vuçiç u shpreh se në takimet me Hashim Thaçin flasin në gjuhën angleze, por kur situata tensionohet, ata flasin serbisht.
Presidenti i Serbisë, Aleksandër Vuçic, gjatë një interviste për televizionin serb TV Pink, tregoi detaje rreth takimeve në Bruksel me homologun e tij kosovar Hashim Thaçi në kuadër të dialogut të ndërmjetësuar nga Bashkimi Europian. Vuçiç u shpreh se zakonisht ata komunikojnë në anglisht, por në rastet kur situata tensionohet debatet bëhen në serbisht.
Ndër të tjera, kreu i shtetit serb tha se në një rast kanë qenë shumë pranë përplasjes fizike, por çdo gjë ka përfunduar shpejt. Vuçiç tregoi se kishte qenë Hajredin Kuçi që është përpjekur të godasë Ivica Daçiç, dhe Vuçiç ishte bërë gati të sulmonte Thaçin, por në fund nuk kishte ndodhur asgjë./abcnews.al
