Gianluigi Bufon nuk di të ndalet. Portieri, tashmë në moshën 43-vjeçare vazhdon të japë kontributin e tij në fushën e blertë.
Italiani tani luan për skuadrën e Parmës në Serinë B, por ai tregon se mund të kishte luajtur për një skuadër tjetër në Itali.
I ftuar në emisionin “Tiki Taka”, gardiani tregoi një prapaskenë merkatoje ku ishte gati të transferohej tek Atalanta.
“Gasperini e di këtë gjë. Isha gati të transferohesha në Bergamo. Fola me drejtuesit e Juventusit, por ishte Pirlo që më bindi të qëndroja. Ata më njohin mirë dhe i dinë pikat e mia të dobëta dhe më bindën që të qëndroja. Kam respekt për Gasperinin për faktin se më telefonoi shpesh sepse më donte tek Atalanta”.
Bufon u transferua tek Parma nga Juventusi pas një karriere si fitimtar me “Zonjën e Vjetër”. /abcnews.al/
© SYRI.net
