Rrëfehet Braithwaite: Kalimi te Barcelona? Gruaja kujtonte se kisha të dashur

schedule18:31 - 11 Qershor, 2020

schedule 18:31 - 11 Qershor, 2020

Martin Braithwaite nuk e kishte ëndërruar kurrë kalimin te Barcelona, por asgjë nuk përjashtohet në futboll. Katalanasit, në gjendje të vështirë në repartin ofensiv si pasojë e dëmtimeve, vepruan shpejt dhe investuan në shkurt 18 milion euro për sulmuesin.

29-vjeçari zbulon një prapaskenë interesante rreth transferimit në “Camp Nou”. Braithwaite vendosi ta mbante sekret gëzimin e madh dhe po priste transferimin zyrtar. Diçka e tillë krijoi dyshime te bashkëshortja, teksa sulmuesi flet edhe për Leo Messin për Daily Mail.

Gruaja ime mendonte se kisha të dashur. Mora shumë telefonata, por kisha vendosur të mos i tregoja askujt për kalimin te Barcelona. Nuk i tregova gjë as asaj. Filloi të kishte dyshime, pasi largohesha nga shtëpia sa herë që më binte telefoni.

Messi? E adhuroj, duhet të jesh gjithmonë në maksimumin tënd për të luajtur përkrah Leos“, thekson sulmuesi danez i kampionëve të Spanjës. /abcnews.al

Mos rri jashtë: bashkohu me ABC News. Ne jemi kudo!