Ministri gjerman për Evropën Michael Roth, këtë të mërkurë po zhvillon një vizitë zyrtare në Maqedoninë e Veriut.
Roth përmes një postimi në rrjetin social Twitter shkruan se ardhmja e Ballkanit Perëndimor është evropiane.
Ndër të tjera ai ka bërë me dije se tashmë është koha që BE të përmbushë premtimet dhe dhe të fillojë negociatat me Maqedoninë e Veriut dhe Shqipërinë.
“Koha e fundit që BE të mbajë premtimet për të nisur bisedimet për anëtarësimin e Maqedonisë së Veriut dhe Shqipërisë. E ardhmja e Ballkanit Perëndimor është evropiane – të veprojmë tani me vendosmëri, që të mos ketë dyshime më vonë për të”, ka shkruar Roth.
#ontheroth nach Skopje und Tirana! Höchste Zeit, dass die #EU ihre Versprechen einhält und Beitrittsgespräche mit Nordmazedonien ?? und Albanien ?? beginnt. Die Zukunft des westlichen Balkans ist europäisch – jetzt entschlossen handeln, um daran keine Zweifel aufkommen zu lassen.
— Michael Roth MdB ?? (@MiRo_SPD) May 26, 2021
Ndryshe, siç njoftuan nga Sekretariati për Çështje Evropiane, Roth sot do të realizojë takim me zv.kryeministrin Nikolla Dimitrov, me të cilin do të diskutojë për tejkalimin e sfidave dhe perspektivave për miratimin e kornizës negociuese, në mënyrë që RMV të fillojë negociatat për anëtarësim në BE./abcnews.al
