Roma është mjaft aktive gjatë kësaj merkatoje, pasi pas afrimeve të portierit Mile Silvar dhe të mesfushorit Nemanja Matic, kërkon me ngulm edhe transferimin e portugezit të Valencias.
Bëhet fjalë për Gonçalo Guedes, i cili pëlqehet shumë nga drejtuesit e verdhekuqve, te cilët kanë marrë edhe “OK” e Jose Mourinhos.
Guedes vlerësohet 40 milionë euro nga klubi spanjoll, derisa Giallorosët janë gati t’i ofrojnë dy futbollistë dhe para për transferimin e sulmuesit anësorë.
Kryeqytetasit italianë i kanë ofruar Valencias shërbimet e dy mesfushorëve, Amadou Diaëara dhe Ebrima Darboe si dhe 20 milionë euro për Guedes.
Kjo ofertë i ka pëlqyer Valencias që janë duke e shqyrtuar para se t’i kthejnë një përgjigje përfundimtare Romës. 25-vjeçari këtë edicion ka zhvilluar 42 ndeshje zyrtare me Valencian, ku ka shënuar 13 gola e ka asistuar në gjashtë të tjerë. /f.a/abcnews.al
