Roger Corman, producenti, regjisori, skenaristi dhe aktori i famshëm amerikan, ndërroi jetë në moshën 98 vjeçare në shtëpinë e tij në Santa Monica, Kaliforni.
Gjatë një karriere që përfshin më shumë se 60 vjet, Corman është quajtur “mbreti i filmave B” dhe vepra e tij më e famshme është Little Shop of Horrors e viteve 1960.
Është xhiruar në vetëm dy ditë për 30.000 dollarë. Roger zbuloi emra të famshëm nga industria e filmit, mes tyre Robert De Niro, Jack Nicholson dhe Martin Scorsese.
Ai ka bashkëpunuar me shumë regjisorë botërorë si p.sh James Cameron dhe Francis Coppola. Në vitin 2009, Corman fitoi çmimin Oscar nderi për kontributin e tij në film.
Corman lindi më 5 prill 1926 në Detroit, Michigan. Ai kishte një vëlla më të vogël, Gene, një producent dhe agjent, me të cilin Roger bashkëpunoi më vonë në një sërë filmash.
Fillimisht Corman dukej i vendosur të ndiqte gjurmët e babait të tij, duke u diplomuar për inxhinieri industriale nga Universiteti Stanford. Megjithatë, pas katër ditësh në punën e tij të parë si i diplomuar, në US Electrical Motors në Los Angeles , Corman kuptoi se donte të punonte në filma në vend të kësaj.
Ai shkoi menjëherë për në 20th Century Fox, ku fitoi edhe punën e parë.
Corman i dha fund karrierës së tij si regjisor duke u tërhequr në 1971. Ai u kthye në karrigen e regjisorit për filmin horror të vitit 1990 Frankenstein Unbound, megjithëse kryesisht vepronte si producent.
Ai gjithashtu shfaqej herë pas here në role aktrimi, shpesh për regjisorë që ai kishte mentoruar.
/abcnews.al
