KSHZ në Maqedoninë e Veriut publikoi rezultatet nga rivotimi në njësitë 5 dhe 6. Në njësinë 5 nuk ka ndryshim në numrin e deputetëve, ku 4 i takojnë Frontit Europian dhe 1 koalicionit VLEN. Ndërsa në zonën 6, Fronti Europian humbi një deputet kurse VLEN fitoi një më shumë.
Lidhur me këtë ka reaguar edhe Bujar Osmani, i cili ishte kandidat për president nga Fronti Evropian. Ai thotë se pavarësisht përpjekjeve djallëzore, legjitimiteti mbetet i pacënuar.
“MIRËMËNGJES!
Edhe përkundër përpjekjeve djallëzore, legjitimiteti mbetet i pa cënuar.
Legjitimiteti mbetet CONDITIO SINE QUA NON e marrëveshjes historike për përgjegjësi të përbashkëta mes komuniteteve për një të ardhme të përbashkët europiane.”, shkruan Osmani./abcnews.al
